لاہور( این این آئی)علامہ اقبال انٹرنیشنل ایئرپورٹ پر مسافر سامان سے بھرا بیگ بھول گیا جسے سول ایوی ایشن کے عملے نے اس کے مالک کو واپس لوٹا دیا۔قطر ایئر ویز سے پاکستان آنے والا مسافر اپنا بیگ علامہ اقبال ایئرپورٹ پر بھول گیا تھا جس میںغیر ملکی کرنسی کے علاوہ قیمتی سامان بھی موجود تھا۔ایئرپورٹ منیجر سول ایوسی ایشن چوہدری نذیر نے

مسافر کے بیگ ایئرپورٹ پر بھول جانے کی اطلاع ملنے پر بیگ کے مذکورہ مسافر مالک سے رابطہ کیا اور اسے ایئرپورٹ بلاکر بیگ واپس کردیا۔ایئرپورٹ منیجر کے مطابق بیگ میں 10ہزار 900 کینیڈین ڈالرز، طلائی زیورات جن میں چین، بریسلیٹ ،2 انگوٹھیاں ،آئی فون اور ضروری کاغذات موجود تھے۔بیگ واپس ملنے پر مذکورہ مسافر نے سول ایوی ایشن کا شکریہ ادا کیا۔