اسلام آباد(این این آئی)سعودی وزیر داخلہ پرنس عبدالعزیز بن سعود بن نائف پاکستانی ہم منصب شیخ رشید احمد کی خصوصی دعوت پر7 فروری کو پاکستان پہنچیں گے۔ وزارت داخلہ کے ترجمان کے مطابق سعودی وزیر داخلہ اپنے ایک روزہ دورہ پاکستان کے دوران اہم حکومتی اورسکیورٹی شخصیات سے ملاقاتیں کرینگے ۔اعلامیہ کے مطابق
سعودی وزیر داخلہ؛ صدرمملکت ڈاکٹر عارف علوی اوروزیراعظم عمران خان سے ملاقاتیں کرینگے۔ وزارت داخلہ کے مطابق سعودی وزیر داخلہ وزارت داخلہ کا دورہ کرینگے؛ اپنے ہم منصب شیخ رشیداحمد سے ملاقات کرینگے،علاقائی صورت حال سمیت، سعودی عرب میں قید پاکستانیوں کی رہائی اور دیگراہم امور پر بات چیت کرینگے۔
