لاہور( این این آئی)سنٹرل پاور پرچیزنگ ایجنسی نے دسمبر کے فیول ایڈجسٹمنٹ کی مدمیں3 روپے 12 پیسے فی یونٹ اضافی وصولی کی درخواست جمع کر اد دی ،نیپرا میں کل  سماعت ہو گی۔

بجلی قیمتوں میں اضافے کی درخواست دسمبر کے فیول ایڈجسٹمنٹ کی مدمیں دی گئی ۔ درخواست میں کہا گیا ہے کہ دسمبر2021 میں 8 ارب 52 کروڑیونٹ بجلی پیدا ہوئی، بجلی کی پیداوارلاگت 73 ارب 84 کروڑروپے رہی۔درخواست میں کہا ہے کہ 22 روپے 24 پیسے میں فرنس آئل سے مہنگی ترین بجلی پیدا کی گئی ، ایل این جی سے17روپے 80 پیسے فی یونٹ ، ڈیزل سے 14روپے 8 پیسے فی یونٹ اور کوئلے سے 13.31روپے فی یونٹ بجلی کی پیدا ہوئی۔سی پی پی اے کے مطابق ایران سے 13 روپے 26 پیسے فی یونٹ میں بجلی درآمد کی گئی ۔اضافے کی صورت میں صارفین پر 30ارب سے زائد اضافی بوجھ پڑے گا۔

موضوعات:بجلی مہنگی