اسلام آباد، پشاور(مانیٹرنگ ڈیسک، آن لائن)سینئر صحافی ، کالم نگار اور اینکرپرسن ارشاد بھٹی نے دعویٰ کیا ہے کہ ملک میں صدارتی ریفرنڈم کی تیاریاں مکمل کرلی گئی ہیں ، تفصیلات کے مطابق سماجی رابطے کی ویب سائٹ ٹوئٹر پر ٹوئٹ کرتے ہوئے انہوں نے لکھا ہے

کہ ۔۔۔صدارتی ریفرنڈم کی تیاریاں مکمل، 100 سے زیادہ صفحات پر صدارتی نظام تیار، وزیراعظم کوخفیہ میسج ارسال، اسمبلیاں تحلیل کردیں ہم آپ کے ساتھ ہیں اور آپ ہی اگلے صدر مملکت ہونگے ،جس پر وزیراعظم نے مشاورت کے لئے وقت مانگ لیا۔ وزیراعظم اپنے قریبی ساتھیوں سے مشاورت کے بعد فیصلہ کریں گے۔ دوسری جانب ملک میں صدارتی نظام کے حوالے سے افواہوں میں تیزی آ گئی ہے صدارتی نظام کے لئے پی ٹی آئی خیبر پختونخوا کے کارکنوں نے بھی خصوصی مہم شروع کر دی ہے تحریک انصاف کے کا رکنوں کی جانب سے سوشل میڈیا پر صدارتی نظام کی حمایت میں پوسٹیں لگانے میں تیزی کردی ہے اور سوشل میڈیا پر تحریک انصاف کے کارکنوں نے خصوصی طور پر مہم شروع کردی ہے صدارتی نظام کو نا فذ کرنے اور آئین کو معطل کرنے کی افواہوں میں تیزی آنا شروع ہوگئی ہے ملک میں صدارتی نظام کی افواہیں تیزی سے گردش کرنے لگی ہیں تاہم تحریک انصاف کی جانب سے اس سلسلے میں خاموشی اختیار کی گئی ہے صدارتی نظام کے نا فذ ہونے اور آئین کو معطل کرنے کی افواہیں گزشتہ کئی دنوں سے سوشل میڈیا پر ٹاپ ٹین پر جارہی ہیں صدارتی نظام کے نفاذ اور آئین کو معطل کرنے کے حوالے سے افواہوں کے حوالے سے خوف ہراس بھی پھیلنا شروع ہوگیا ہے۔

موضوعات:ارشاد بھٹی