اسلام آباد(آن لائن ) پاکستان مسلم لیگ (ن) کے صدر اور قائد حزب اختلاف شہباز شریف نے کہا ہے کہ کسانوں کی حالت قابل رحم ہے، حکومت غائب ہے ۔اپنے بیان میں انہوں نے کہا عوام کی خوراک کا بندوبست کرنے والے مری کے مظلوموں کی طرح مدد مدد پکار رہے ہیں اور حکومت غائب ہے ۔کسان کی آج مدد نہ ہوئی تو کل زرعی اجناس اور پیداوار کی قلت کی صورت پورا ملک خمیازہ بھگتے گا ۔یوریا کسانوں کو سونے کے بھاؤ بھی نہیں مل رہا، آٹا چینی اور گیس کی طرح یوریا بھی غائب ہوگیا ہے ۔بعد میں کمیشن بنانے اور عذر گڑھنے سے بہتر ہوگا کہ کسانوں کی ہنگامی مدد کی جائے، یوریا کی فراہمی یقینی بنائی جائے۔