فیصل آباد( آن لائن) مسلم لیگ ن پنجاب کے صدروایم این اے راناثناء اللہ خاں نے کہاہے کہ ملک کے ساتھ کھلواڑکرنے والوںکاہاتھ روکنے کے لئے سیاسی جماعتوں کومنظم ہوناپڑے گا۔آج پاکستان جس نہج پرپہنچ چکاہے وہ تشویشناک ہے۔اسٹیٹ بنک کوآئی ایم ایف کی غلامی میں دیدیا گیا ہے جس سے واضح ہورہاہے کہ پاکستان ڈیفالٹرکی طرف بڑھ رہاہے۔
آٹا،چینی ،تیل اورکھادمافیاعمران خان کے اردگردبیٹھاہے اس لئے ان کے اوپرکوئی ہاتھ نہیں ڈالاجارہا۔مسلم لیگ ن کے دورمیں بجلی بحران اوردہشت گردی بڑے دومسائل تھے جن پرمیاں نوازشریف نے دانشمندانہ پالیسیوں کے تحت قابوپایا۔نالائق اورسلیکٹڈ وزیراعظم کی عدم دلچسپی کے باعث آج پھرملک میں دہشت گردسراٹھارہے ہیں اوربجلی بحران شدت اختیارکررہاہے جوکہ ثابت کرتاہے کہ عمران نیازی کی ترجیحات کچھ اورہی ہیں۔ان خیالات کااظہارانہوںنے پاکستان مسلم لیگ ن فیصل آبادسٹی کے جنرل سیکرٹری میاںضیاء الرحمان کے لائل پورہائوس پبلک سیکرٹریٹ کی افتتاحی تقریب سے خطاب کرتے ہوئے کیا۔تقریب میں ڈویڑنل صدرحاجی اکرم انصاری ،ضلعی صدرمیاں قاسم فاروق،سٹی صدرشیخ اعجازا حمد،سابق ایم این اے میاں عبدالمنان ،ایم این اے علی گوہربلوچ،یوتھ ونگ کے مرکزی نائب صدررانااحمدشہریارخاں،ممبران پنجاب اسمبلی راناعلی عباس خاں،فقیرحسین ڈوگر،مہرحامدرشید ،سابق میئرملک عبدالرزاق ،ڈپٹی میئرز عبدالغفورچودھری ،امین بٹ ،شیخ یوسف ،سابق ایم پی ایزمحمدنوازملک ، الیاس انصاری ،رائوکاشف رحیم ،علماء مثائخ ونگ پنجاب کے جنرل سیکرٹری حافظ امجد،سٹی صدریوتھ ونگ عاطف کسانہ ،سابق یوسی چیئرمین غلام بھیک اعوان ،حق نوازغفاری ،شیخ خالدلاڈا،کاشف گجر،چودھری اکبرگجر،سٹی سیکرٹری اطلاعات میاں محمداجمل ،
رانامنوراحمدخاں،لیبرونگ کے سٹی صدرتوصیف نوازخان ،میاں عرفان منان ،سوشل میڈیاونگ کے صدرزاہدملک ،ظہیراحمدناگرہ ،حسن خان سمیت سینکڑوں مسلم لیگی کارکنوں نے بھرپورشرکت کی۔تقریب سے خطاب کرتے ہوئے صوبائی صدرراناثناء اللہ خاں کامزیدکہناتھاکہ مسلم لیگ ن کوپنجاب میں مکمل طورپرفعال اورمنظم
کردیاگیاہے۔آج اٹک سے لیکرراجن پورتک تنظیمی سازی مکمل کرلی گئی ہے۔یونین کونسلوں میں بھی پارٹی کوپہلے کی نسبت مزیدمضبوط کردیاہے۔انہوںنے کہاکہ یونین کونسل سطح پرہرہفتے اورصوبائی حلقوں کی سطح پرہرماہ کارکنوں کی میٹنگز منعقدکی جائیں گی تاکہ کارکنوں کومتحرک رکھاجائے۔انہوںنے کہاکہ ڈویڑنل سطح
پربھی اجلاس منعقدکئے جائیں گے جن سے میاں شہبازشریف ،حمزہ شہبازشریف اورمریم نوازشریف بھی خطابات کیاکریں گی۔تقریب سے خطاب کرتے ہوئے سٹی جنرل سیکرٹری مسلم لیگ ن فیصل آبادمیاںضیاء الرحمان نے کہاکہ لائل پورہائوس لیگی کارکنوں کااپنادفترہے وہ جب چاہئے یہاں پرپارٹی میٹنگز کرسکتے ہیں۔لائل پورہائوس کے دروازے چوبیس گھنٹے لیگی کارکنوںکے لئے کھلے ہیں۔
انہوں نے کہاکہ صدرپنجاب راناثناء اللہ خاں کی ہدایت کے مطابق لیگی کارکنوں کونچلی سطح پرفعال اورمتحرک کردیاگیاہے۔کارکن اپنے قائدین کی ایک آوازپرلبیک کہیں گے۔حاجی اکرم انصاری ،میاں عبدالمنان ،شیخ اعجازاحمد،میاں قاسم فاروق ودیگرنے بھی خطاب کرتے ہوئے کہاکہ مسلم لیگ ن کوکمزورسمجھنے والے احمقوں کی جنت کے باسی ہیں۔مسلم لیگ ن کے کارکن پوری قوت کے ساتھ اپنے قائد نوازشریف کے ساتھ کھڑے ہیں اوررہیں گے۔
