لاہور (آن لائن)مسلم لیگ(ن) پنجاب ُکی ترجمان عظمیٰ بخاری نے کہا ہے کہ پی ٹی آئی ووٹ لے کر نہیں جہاز اور بوٹ کی طاقت سے اقتدار میں آئی۔جہاز پی ٹی آئی سیا لگ ہوگیا
اب بوٹ کے الگ ہونے کی باری ہے۔لولی لنگڑی ،بیساکھیوں اور فون کالز کے سہارے چلنے والی حکومت عوامی حمایت کھو چکی ہے۔تبدیلی عام آدمی کیلئے وبال جان بن چکی ہے۔عمران خان نے ملکی خودمختاری اور سالمیت آئی ایم ایف کے سامنے سرنڈر کردی ہے۔ابسلوٹلی ناٹ کہنے والا وزیراعظم ایک ارب ڈالر کے چکر میں آئی ایم ایف کے سامنے لیٹ گیا ہے۔مسلم لیگ(ن) ُکی ترجمان عظمیٰ بخاری کا ترجمان پنجاب حکومت کے بیان پر ردعمل میں کہادو سو ارب ڈالر آئی ایم ایف کے منہ پر مارنے والا شخص ایک،ایک ڈالر کیلئے منتیں ترلوں پر آگیا ہے۔ریاست مدینہ کے نام پر لوگوں کے جذبات سے کھیلا جا رہا ہے۔عمران خان نے کل راوی ریور پروجیکٹ کا دورہ کرکے توہین عدالت کی ہے۔عدالت کو عمران خان کے توہین عدالت کا نوٹس لینا چاہیے۔راوی ریور پروجیکٹ کیلئے کسانوں سے زبردستی زمینیں ہتھیائی جارہی تھی۔
