ریاض ( این این آئی)سعودی وزارت حج وعمرہ نے اعلان کیا ہے کہ عمرہ پرآنے والوں کی ویزہ مدت توسیع نہیں ہوگی اور حرم مکی الشریف میں نماز باجماعت یا عمرہ کیلئے آن لائن پرمٹ لازم ہے۔تفصیلات کے مطابق سعودی وزارت حج وعمرہ کی جانب سے بیان میں کہا گیا ہے کہ عمرہ پرآنے والوںکی ویزہ مدت میں توسیع نہیں ہوسکتی، ویزے کی مدت 30 دن کی ہوتی ہے۔سعودی حکام کے مطابق حرم مکی الشریف میں نمازباجماعت یاعمرہ کیلئے آن لائن پرمٹ لازم ہے، پرمٹ سعودی شہریوں اوریہاں رہنے والے غیرملکیوں کیلئے بھی ضروری ہے۔سعودی وزارت حج وعمرہ نے کہا کہ 2سال سے کم عمربچوں کو بھی حرم مکی الشریف میں لے کرجانا منع ہے جبکہ عمرہ پرمٹ کے بغیر مسجد الحرام میں داخلہ ممنوع ہے۔