اسلام آباد (مانیٹرنگ ڈیسک /این این آئی)وزارت دفاع نے راول جھیل پر نیوی سیلنگ کلب اور سمبلی ڈیم پر فارم ہائوسز کے قیام کا دفاع کرتے ہوئے دعویٰ کیا ہے کہ نیوی کلب اور نیول فارمز جائز ہیں ان دونوں منصوبوں کیلئے زمین کی منظوری اس وقت کے وزیراعظم اور صدر پاکستان نے دی تھی ، وزارت دفاع نے چیف جسٹس اطہر من اللہ کے فیصلے کو چیلنج کرنے کیلئے ہائی کورٹ میں درخواست دائر کر دی ۔
جس کی توقع کی جا رہی ہے کہ دو رکنی ڈویژن بنچ کی طرف سے اگلے ہفتے سماعت کی جائے گی۔دوسری جانب رواں ماہ 13جنوری کو نیوی سیلنگ کلب گرانے،نیول گالف کورس اورپاکستان نیول فارمز کی اراضی تحویل میں لینے کے فیصلوں کو اسلام آباد ہائیکورٹ میں چیلنج کردیا گیا۔پاکستان نیوی نے نیوی سیلنگ کلب گرانے، پاکستان نیول فارمز کی اراضی تحویل میں لینے اورنیول گالف کورس کو سی ڈی اے کی تحویل میں دینے کے فیصلوں کواسلام آباد ہائیکورٹ میں چیلنج کردیا۔پاکستان نیوی نے دوانٹراکورٹ اپیلوں میں سنگل بینچ کے الگ الگ فیصلوں کوچیلنج کیا۔پاکستان نیوی نے انٹرا کورٹ اپیلوں پرسماعت کے لئے بینچ تشکیل دینے اوراسلام آباد ہائیکورٹ کے چیف جسٹس اطہر من اللہ کے 7 اور11 جنوری کے عدالتی فیصلوں کوکالعدم قراردینے کی بھی استدعا کی۔اسلام آباد ہائیکورٹ کے چیف جسٹس اطہر من اللہ نے 7 جنوری کو نیوی سیلنگ کلب کو 3 ہفتوں میں گرانے کا حکم دیا تھا، عدالت نے پاکستان نیول فارمز کے لیے جاری کیے گئے این او سی کو بھی غیر قانونی قرار دیا تھا اورنیول فارمز کی اراضی کو اتھارٹی کی تحویل میں دینے کا فیصلہ سنایا تھا۔نیوی گالف کورس کو غیر قانونی قرار دینے کا فیصلہ 11 جنوری کو سنایا گیا تھا۔واضح رہے کہ ہائی کورٹ نے راول جھیل کے کنارے نیوی سیلنگ کلب کی تعمیر غیر قانونی قرار اور تین ہفتوں میں گرانے کا حکم دیتے ہوئے سابق نیول چیف ایڈمرل ظفر محمود عباسی سمیت دیگر کے خلاف مس کنڈکٹ کی کارروائی کی ہدایت ور عمل درآمد رپورٹ طلب کر لی تھی۔اسلام آباد ہائی کورٹ کے چیف جسٹس اطہر من اللّٰہ کی عدالت نے گزشتہ روز نیول فارمز اور نیوی سیلنگ کلب کے خلاف فریقین کے وکلاء کے دلائل کے بعد درخواستوں پر فیصلہ محفوظ سنایا گیا تھا۔عدالت کا کیس کے فیصلے میں کہنا ہے کہ رئیل اسٹیٹ بزنس کے لیے ادارے کا نام استعمال نہیں کیا جا سکتا، اتھارٹی کو اختیار نہیں تھا کہ نیوی کو این او سی جاری کرتی۔نجی ٹی وی کے مطابق ہائی کورٹ نے فیصلے میں کہا کہ پاکستان نیوی نے نیشنل پارک ایریا پر تجاوز کیا، سیلنگ کلب غیر قانونی ہے، نیوی سیلنگ کلب کی بلڈنگ تین ہفتوں
میں گرائی جائے۔اسلام آباد ہائی کورٹ نے آڈیٹر جنرل کو نیول فارمز کا آڈٹ کر کے قومی خزانے کو پہنچنے والے نقصان کا تخمینہ لگانے کی بھی ہدایت کردی۔عدالت نے قرار دیا کہ سابق نیول چیف ایڈمرل ظفر محمود عباسی نے غیر قانونی عمارت کا افتتاح کرکے آئین کی خلاف ورزی کی، ان سمیت دیگر کے خلاف مس کنڈکٹ کی کارروائی کا حکم بھی دیا گیا۔کیس کی گزشتہ روز ہوئی سماعت کے
دوران چیف جسٹس نے ریمارکس دیئے کہ فیصلہ سنانے سے پہلے دو وضاحتیں ضروری ہیں۔انھوں نے ممبر اسٹیٹ سے استفسار کیا کہ کیا ادارے نے قانون میں اجازت نہ ہونے کے باوجود این ا و سی جاری کیا جس پر ممبر پلاننگ سی ڈی اے نے عدالت کو بتایا کہ اْس وقت وہاں فارم ہائوسز کی اجازت تھی ، نیوی سیلنگ کلب تاحال سربمہر ہیبلڈنگ بائی لاز 2020 کے تحت غیر قانونی عمارت کو
منہدم بھی کیا جاتا ہے۔عدالت نے استفسار کیا کہ کسی ہائوسنگ سوسائٹی کا این او سی ہی کینسل ہو جائے تو آپ کیا کرتے ہیں؟جس پر سی ڈی اے اہلکار نے جواب دیا کہ این او سی منسوخ ہو جائے تو ہم اسے ٹیک اوور کرتے ہیں این او سی کے بغیر کام کرنے والی غیر قانونی ہائوسنگ سوسائٹیز کے مینجمنٹ آفسز بھی سیل کرتے ہیں۔اس کے بعد عدالت نے فیصلہ محفوظ کر لیا تھا جو سنایا گیا ہے۔
