اسلام آباد(این این آئی)یوٹیلیٹی اسٹورز پر مختلف اشیاء مہنگی کرنے کی تیاری شروع کر دی گئی ، یوٹیلیٹی اسٹورز پر100 سے زائد اشیاء کی قیمتوں میں اضافہ کا امکان

ہے۔ ذرائع کے مطابق برانڈڈ گھی خوردنی تیل، صابن ، ڈیٹرجنٹ اور گھریلو استعمال کی اشیاء کی قیمتوں میں اضافے متوقع ہے ۔یوٹیلٹی سٹور حکام کا کہنا ہے کہ برانڈڈ اشیاء کی قیمتوں میں اضافہ سے میڈیا کو آگاہ کریں گے،مارکیٹ کے مقابلے میں برانڈڈ اشیاء کی قیمتیں کم ہونگی، یوٹیلیٹی اسٹورز کے پاس سبسڈائزڈ اشیاء موجود ہیں،برانڈڈ اشیاء خصوصی طور پر گھی اور تیل کی قیمتوں میں اضافہ کرنا پڑے گا،یوٹیلٹی اسٹورز حکام کے مطابق اڑھائی تین ماہ سے یوٹیلیٹی اسٹورز نے نرخوں میں اضافہ نہیں کیا، پام آئل کی قیمت 12 ہزار روپے فی من تک عالمی مارکیٹ کا ریٹ ہے،یوٹیلٹی اسٹورز حکام کے مطابق اشیاء کی قیمتوں میں اضافہ نہ کیا گیا تو اشیاء کی دستیابی ممکن نہیں ہوسکے گی،100 سے زائد برانڈڈ اشیاء کی قیمتوں میں اضافہ ناگزیر ہے۔