اسلام آباد (این این آئی)سپریم کورٹ کے جسٹس گلزاراحمد چیف جسٹس ہاؤس سے ریٹائرڈ ججز کیلئے مختص گھرمیں منتقل ہوگئے، چیف جسٹس گلزاراحمد یکم فروری
کو مدت مکمل کرکے ریٹائر ہوجائیں گے۔ نجی ٹی وی کے مطابق چیف جسٹس گلزاراحمد نے ریٹائرمنٹ سے قبل ہی چیف جسٹس ہاؤس خالی کردیا اور چیف جسٹس ہاؤس سے ریٹائرڈججزکیلئے مختص گھرمیں منتقل ہوگئے۔چیف جسٹس نے ذاتی سامان کی منتقلی گزشتہ ہفتے ہی شروع کردی تھی، چیف جسٹس گلزاراحمد یکم فروری کومدت مکمل کرکے ریٹائر ہوجائیں گے۔یاد رہے صدر مملکت نے جسٹس عمر عطا بندیال کو چیف جسٹس پاکستان مقرر کیا، ان کی تعیناتی آئین کے آرٹیکل 175 اے کے تحت کی گئی۔نامزد چیف جسٹس عطا بندیال کی تقریب حلف برداری کی تیاریاں شروع کر دی گئیں، تقریب 2 فرروی کو ایوان صدر میں ہوگی، جس میں وہ چیف جسٹس آف پاکستان کا حلف اٹھائیں گے۔