اسلام آباد(مانیٹرنگ ڈیسک)عملے کی ڈیوٹی کا وقت ختم ہونے پر قومی ائیر لائن پی آئی اے کی پرواز منزل پر پہنچنے سے قبل ہی اتار لی گئی۔روزنامہ جنگ کی رپورٹ کے مطابق عملے کی تبدیلی کی وجہ سے سعودی عرب سے اسلام آباد کی پرواز کو کراچی میں لینڈنگ کروانا پڑ گئی۔ذرائع کے مطابق قومی ائیر لائن کی پرواز پی کے 9754 ریاض سے
اسلام آباد جا رہی تھی۔ترجمان پی آئی اے نے بتایا کہ طیارہ کے عملے کے ارکان کی ڈیوٹی کا دورانیہ مقررہ وقت سے زیادہ ہو گیا تھا۔انہوں نے بتایا کہ پی آئی اے کے بوئنگ 777 طیارے کو کچھ وقت کے لیے کراچی میں اتارا گیا۔ترجمان پی آئی اے کے مطابق کراچی میں عملے کی تبدیلی کے بعد فلائٹ اسلام آباد روانہ ہو گئی تھی۔
