نئی دہلی(این این آئی) کمیونسٹ پارٹی آف انڈیا( مارکسٹ) کے رہنما اور مغربی بنگال کے سابق وزیر اعلیٰ بدھادیب بھٹاچارجی نے بھی بنگالی گلوکارہ سندھیا مکھرجی کی طرح پدم بھوشن ایوارڈ لینے سے انکار کر دیا ہے۔کشمیر میڈیا سروس کے مطابق بھٹاچارجی نے

ایک بیان میں کا کہ وہ اس ایوارڈ کے بارے میں کچھ نہیں جانتے،کسی نے مجھے اس کے بارے میں کچھ نہیں بتایا ۔ انہوںننے کہا اگر انہوں نے مجھے پدم بھوشن پیش کرنے کا فیصلہ کیا ہے تو میں اسے قبول کرنے سے انکار کرتا ہوں۔بھٹاچارجی نریندر مودی حکومت کے سخت ناقد رہے ہیں۔77 سالہ کمیونسٹ رہنما 2000ـ2011 تک مغربی بنگال کے وزیر اعلیٰ رہے ہیں۔ سی پی آئی( ایم ) نے ٹویٹر اور میڈیا پر ان کے انکار کی حمایت کی ہے۔ سی پی آئی ایم کی اس طرح کے ایوارڈز کو مسترد کرنے کی مستقل پالیسی رہی ہے۔قبل ازیں جیوتی باسو نے بھی 2008 میں بھارت رتن لینے سے انکار کر دیا تھا۔ سی پی آئی ( ایم )کے رہنما بکاش رنجن بھٹاچاریہ نے کہا کہ لوگوں کو فرقہ وارانہ خطوط میں تقسیم کرنے والی بی جے پی حکومت سے ایوارڈ قبول کرنا سوال سے باہر ہے۔