مظفرگڑھ (اے پی پی)سپریم کورٹ کے سابق جج جسٹس(ر) خلیل الرحمٰن رمدے کی گاڑی مظفرگڑھ میں حادثے کا شکار ہوگئی، حادثے میں سپریم کورٹ کے سابق جج معجزانہ طور پر محفوظ رہے،پولیس ذرائع کے مطابق جسٹس (ر) خلیل الرحمٰن رمدے سابق صوبائی وزیر غلام محمد نور ربانی کھر کی نماز جنازہ میں شرکت کے لئے جارہے تھے کہ سنانواں کے قریب ان کی گاڑی الٹ گئی، جسٹس(ر)خلیل الرحمن رمدے گاڑی خود چلا رہے تھے،وہ حادثے میں معجزانہ طور پر محفوظ رہے،پولیس کے مطابق وہ نماز جنازہ میں شرکت کے بعد واپس لاہور روانہ ہو گئے۔