اسلام آباد (این این آئی)وزیراطلاعات فواد چوہدری کے بعد قومی اسمبلی کے اسپیکر اسد قیصر نے سابق چیف جسٹس ثاقب نثار کی قائمہ کمیٹی برائے اطلاعات کے سامنے طلبی کی مخالفت کردی۔اسپیکر قومی اسمبلی اسد قیصر نے چیئرمین کمیٹی میاں جاوید لطیف کو خط لکھا ہے جس میں کہا گیا ہے کہ معاملے کو ایجنڈے سے
نکالیں تو کمیٹی کا اجلاس بلایا جا سکتا ہے۔اسپیکرقومی اسمبلی کے مطابق ثاقب نثارکا شریف فیملی کیخلاف احکامات دینیکا معاملہ عدالت میں ہے لہٰذا چیئرمین قائمہ کمیٹی اطلاعات عدالت میں زیرالتوا معاملے کو زیربحث نہ لائی۔خیال رہے کہ وفاقی وزیر اطلاعات فواد چوہدری پہلے ہی ثاقب نثارکوکمیٹی میں بلانے کی مخالفت کر چکے ہیں۔
