لاہور(این این آئی) پنجاب کے 790 کالجز میں ہزاروں آسامیاں خالی ہونے کا انکشاف ہوا ہے۔ کالجز میں کالج اساتذہ کی آٹھ ہزار آسامیاں خالی پڑی ہیں۔ اس حوالے سے محکمہ ہائر ایجوکیشن نے پنجاب پبلک سروس کمیشن کو چھ ہزار کالج اساتذہ بھرتی کرنے کی ریکوزیشن ارسال کر

رکھی ہے۔ذرائع کا کہنا ہے کہ پنجاب پبلک سروس کمیشن نے کالجز کیلئے دو ہزار اساتذہ بھرتی کر لیے ہیں۔ مذکورہ 2 ہزار اساتذہ کی بھرتی کے باوجود پنجاب میں کالج اساتذہ کی چھ ہزار آسامیاں اب بھی خالی ہیں۔ اساتذہ کی آسامیاں خالی ہونے سے تدریسی سرگرمیاں متاثر ہو رہی ہیں۔