اسلام آباد (مانیٹرنگ ڈیسک )ملتان سے اغواء کے بعد بازیاب ہونیوالے بچے نقیب اللہ کے والد نواز خان نے کہا ہے کہ ان کے بیٹے کو اسٹیج اداکارہ آئمہ خان کے کہنے پر اغواء کیا گیا ۔ پریس کانفرنس کے دوران بازیاب ہونے والے بچے نقیب اللہ کے والد نواز خان کا کہنا تھا کہ میرا بیٹا آئمہ خان نے اغواء کیا اور ان کے گھر سے بازیاب ہوا ہے ۔ ان کا کہنا تھا کہ پولیس کی بروقت کاروائی کر کے ان کی مدد کی ہے ۔ آئمہ خان کی ضمانت کے خلاف رٹ دائر کریں گے۔ نواز خان نے کہا کہ آئمہ خان خود کو بےگناہ ظاہر کرنے کے لیے ڈرامہ کر رہی ہیں۔