اسلام آباد (این این آئی)پاکستان مسلم لیگ (ن) پنجاب کے صدر رانا ثناء اللہ خاں نے وزیرداخلہ شیخ رشید کے بیان پر ردعمل کا اظہار کرتے ہوئے کہا ہے کہ باس اور چپڑاسی نہ کہیں جانے اور نہ منہ دکھانے کے قابل رہے ہیں۔ اپنے بیان میں انہوںنے کہاکہ جن کے کرائے کے ترجمان اْن کے جانے کی باتیں کرنا شروع کر دیں اْن کا واقعی میں ہی جانے کا وقت ہو گیا ہے ۔ انہوںنے کہاکہ باس اور چپڑاسی نہ کہیں جانے اور نہ منہ دکھانے کے قابل رہے ہیں،کہیں جا نہیں رہے تو پھر ہواکیوں نکلی ہوئی ہے؟ ،جس جماعت کا سیکٹری اطلاعات جماعت کے سربراہ کو اور ٹیم کو گدھا کئے اْن کی حقیقت ڈراموں سے نہیں بدلے گی ۔ انہوںنے کہاکہ بیانات کی آکسیجن اسے زندہ نہیں رکھ سکتی ،نیازی ڈرامہ کا دی اینڈ ہوچکا ہے۔