ایڈیلیڈ(این این آئی)انگلش پیسر جیمز اینڈرسن نے ٹیسٹ میں 100 بار ناٹ آئوٹ رہ کر منفرد ریکارڈ بنالیا ۔انگلش پیسر جیمز اینڈرسن نے آسٹریلیا سے جاری ایڈیلیڈ ٹیسٹ میں منفرد بیٹنگ ریکارڈ قائم کردیا،634 ٹیسٹ وکٹیں لے کر وہ انگلینڈ کے کامیاب ترین بولر تو ہیں تاہم میچ کے تیسرے دن ناقابل شکست رہ کر نیا اعزاز پالیا، وہ ٹیسٹ کرکٹ میں 100 مرتبہ ناٹ آئوٹ رہنے والے دنیا کے پہلے بیٹر بن گئے۔جیمز اینڈرسن کے بعد ویسٹ انڈیز کے سابق پیسر کورٹنی والش 61 مرتبہ ناٹ آئوٹ رہے ہیں، متیاہ مرلی دھرن 56، سابق انگلش پیسر باب ولس 55 مرتبہ ناقابل شکست رہے۔