اسلام آباد( این این آئی)وفاقی وزیر اطلاعات و نشریات فواد چوہدری نے کہا ہے کہ پاکستان، ترکی، ملائیشیا کے درمیان میڈیا روابط کو فروغ دیا جائے گا اور سہ ملکی مشترکہ ٹیلی ویژن قائم کیاجائے گا،اوآئی سی کے تحت ایسافورم تشکیل دینے کی کوشش کر رہے ہیں جو مذہبی بحث
سے مسائل کوحل کرسکے ،رحمت العالمین اتھارٹی کے دائرہ کارکووسعت دی جائے گی اوآئی سی کے تحت ایساہی یونٹ تشکیل دیاجائے گا۔ایک بیان میں فواد چوہدری نے کہا کہ وزیراعظم کی اوآئی سی اجلاس میں مختلف مندوبین سے ملاقاتیں ہوئیں جس میں وزیراعظم نے رحمت اللعالمین اتھارٹی کاخصوصی ذکر کیا۔فوادچوہدری نے کہا کہ پاکستان،ترکی، ملائیشیا کے درمیان میڈیا روابط کو فروغ دیا جائے گا ،سہ ملکی مشترکہ ٹیلی ویژن قائم کیاجائے گا ،میڈیا اشتراک کیلئے فوکل پرسن بنادیئے گئے ہیں جوائنٹ میڈیا نیٹ ورک تشکیل دیں گے۔انہوںنے کہا کہ شدت پسندی کیمعاملات سے نمٹنے کی ضرورت ہے ،او آئی سی پلیٹ فارم کے تحت اسکالرز کا ایسایونٹ تشکیل دیاجائے جومذہبی مسائل میں رہنمائی کرسکے ،رحمت اللعالمین اتھارٹی کے ذریعے تمام اسکالرز کو ایک جگہ اکٹھاکیا جائے گا۔انہوں نے کہا کہ اوآئی سی کے تحت ایسافورم تشکیل دینے کی کوشش کر رہے ہیں جو مذہبی بحث سے مسائل کوحل کرسکے ،رحمت العالمین اتھارٹی کے دائرہ کارکووسعت دی جائے گی اوآئی سی کے تحت ایساہی یونٹ تشکیل دیاجائے گا۔
