لاہور (آن لائن)مسلم لیگ(ن) پنجاب کی ترجمان عظمیٰ بخاری نے کہا ہے کہ بنی گالہ لوٹ مار ایسوسی ایشن چار سال سے نوازشریف کے نام پر ہی سیاسی طور پر زندہ ہے۔عمران خان اور ان کے خوشامدی وزراء کی تقریروں سے شریف خاندان کا ذکر نکال دیں تو یہ سب صفر ہیں۔

نوازشریف اور شہبازشریف کی قیادت میں مسلم لیگ(ن)نے ملک بھر میں 55ہسپتال بنائے۔عثمان بزدار اور انکے ترجمان اگر وزیراعلیٰ ہائوس سے باہر نکلیں تو انکو ہر طرف نوازاور شہباز کے منصوبے نظر آئیں گے۔لاہور میں کڈانی ٹرانسپلانٹ ،مناواں ہسپتال اور شاہدرہ ہسپتال،راولپنڈی کارڈیالوجی ،اور طیب اردگان مظفر گڑھ شہبازشریف کے شاہکار ہیں۔مسلم لیگ(ن) پنجاب کی ترجمان عظمیٰ بخاری کا ترجمان پنجاب حکومت کی پریس کانفرنس پر ردعمل میں کہاپی کے ایل آئی کو پہلے ثاقب نثار پھر بزدار حکومت نے سیاست کی بھینٹ چڑھایا۔پہلے لیور ٹرانسپلانٹ کیلئے شہریوں کو بھارت جانا پڑتا تھا ۔شہریوں کی اسی تکلیف کو مدنظر رکھتے ہوئے شہبازشریف نے لاہور میں لیور ٹرانسپلانٹ کا ہسپتال بنایا۔پنجاب حکومت نے ساڑھے تین سال میں ایک بھی کورونا کی ڈوز نہیں خریدی۔پنجاب میں اب تک جتنی بھی ویکسین لگی وہ چین،ڈبلیو ایچ او،امریکہ یا برطانیہ کی طرف سے خیرات میں ملی ۔بزدار حکومت کے پاس اپنے وزراء کیلئے نئی گاڑیاں خریدنے کے پیسے ہیں لیکن ویکسین خریدنے کیلئے پیسے نہیں۔

موضوعات:عظمیٰ بخاری