لاہور( این این آئی)فیڈرل بورڈ آف ریونیو نے بدعنوانی، کرپشن اور بدانتظامی جیسے الزامات کے تحت لاہور کے کلکٹریٹ آف کسٹمز انفورسمنٹ میں تعینات 3 اہلکاروں کو معطل کر دیا۔ایف بی آر کی اعلی قیادت کو قابل اعتماد ذرائع سے
شواہد کی بنیاد پر ناقابل تردید معلومات موصول ہوئی تھیں کہ دو انسپکٹر زاور ایک سپرنٹنڈنٹ کا ناپسندیدہ طریقوں میں ملوث تھے جس کے بعد متعلقہ حکام نے فوری طور پر ملزمان کے خلاف انکوائری کا حکم دے دیا۔ایف بی آر نے مزید کہا کہ ابتدائی تفتیش میں ملزم اہلکاروں کے خلاف کارروائی کے لیے شواہد کافی معتبر پائے گئے ہیں لہٰذامجاز اتھارٹی نے سول سرونٹس رولز 2020 کے قاعدہ کے تحت عطا کردہ اختیارات کا استعمال کرتے ہوئے مذکورہ تینوں اہلکاروں کو ابتدائی طور پر 120 دنوں کی مدت کے لیے معطل کر دیا ہے۔اہلکاروں کے خلاف باقاعدہ کارروائی کا حکم دیا گیا ہے جو متعلقہ قواعد کے تحت قانون کے مطابق عمل کو مکمل کرنے اور ملزم اہلکاروں کو اپنا موقف پیش کرنے کا موقع فراہم کرنے کے لیے کیا جائے گا۔
