کراچی(آن لائن)سندھ حکومت نے کورونا کی نئی قسم کے پیش نظر بوسٹر ڈوز لگانے کا اعلان کردیا۔بوسٹر ڈوز مفت لگائی جائے گی۔محکمہ صحت نے و فاق سے 10 لاکھ فائزر، 5 لاکھ موڈرنا اور 5 لاکھ ایسٹرا زینیکا کی فراہمی کا مطالبہ بھی کردیا۔صوبائی وزیرصحت ڈاکٹر عذرا پیچوہو نے

سندھ اسمبلی میں پریس کانفرنس کرتے ہوئے کہا کہ سندھ حکومت نے بوسٹر ڈوزز مفت لگانے کا فیصلہ کیا ہے تاہم صوبے کے پاس اتنی خوراکیں نہیں کہ سب کو بوسٹر لگا سکیں۔ان کا مزید کہنا تھا کہ ہم نے وفاق سے 10 لاکھ فائزر، 5 لاکھ موڈرنا اور 5 لاکھ ایسٹرا زینیکا کی فراہمی کا کہا ہے یہ تمام خوراکیں بوسٹر ڈوز کے طور پر استعمال کی جائیں گی جبکہ اس کے علاوہ ہم اسکول کے بچوں کو بھی ویکسین لگا رہے ہیں، ڈاکٹر عذرا پیچوہو نے کہا کہ کرونا کے نئے ویرینٹ اومی کرون کی جینومک پروفائیلنگ کے دورا ن 30 جگہوں پر تبدیلیاں دیکھی جاچکی ہیں تاہم یہ کہنا ابھی قبل از وقت ہوگا کہ اس کے ویکسینیٹڈ افراد پر کیا اثرات ہونگے اس لیے فی الحال احتیاط اور سنجیدگی کے مظاہرے کی ضرورت ہے اور ویکسین لگوانا اور ماسک پہننا ہے احتیاط کا لازمی جزو ہے۔انہوں نے مزید کہا کہ وفاقی حکومت پاکستانی شہریوں کے بچاؤ کے موثر اقدامات کرے۔وفاق کو ملک کی داخلہ پوائنٹس خصوصاً ایئر پورٹس پر ریپڈ اینٹی جین نظام کو دوبارہ شروع کرنا ہوگا