لاہور (این این آئی) وزیراعظم عمران خان سمیت دیگرز کی نااہلی اور نئے انتخابات کے لئے لاہور ہائیکورٹ میں دائر درخواست پر رجسٹرار آفس نے اعتراض عائد کردیا۔جسٹس علی باقر نجفی نے شیخ مظفر حسین کی اعتراضی درخواست پر سماعت کی۔جسٹس علی باقر نجفی نے رجسٹرار آفس کا درخواست ناقابل سماعت ہونے کا اعتراض برقرار رکھا۔ جسٹس علی باقر نجفی نے بے بنیاد درخواست دائر کرنے پر ناراضگی کا اظہار کرتے ہوئے کہا کہ آپ متعلقہ فورم سے رجوع کریں۔باقر نجفی نے ریمارکس دیئے کے کیوں نہ بے بنیاد درخواست دائر کرنے پر جرمانہ کردیں؟۔