لاہور(مانیٹرنگ، این این آئی) پاکستان نے بھارت کو دبئی میں کھیلے گئے ٹی ٹونٹی ورلڈکپ میچ میں 10وکٹوں سے شکست دی تویہ پاکستان کی ورلڈکپ میں کسی بھی
ٹیم کے خلاف10وکٹوں سے پہلی کامیابی تھی اور بھارت کی 10وکٹوں سے یہ پہلی شکست تھی۔واضح رہے کہ آئی سی سی ٹی ٹوئنٹی کی رینکنگ میں بھارت دوسرے نمبر پر ہے اور پاکستان تیسرے نمبر پر براجمان ہے اور پاکستان اور بھارت کی ٹیموں کے درمیان صرف 5 پوائنٹس کا فرق ہے۔ پاکستان اور بھارت کے درمیان 8 ٹی 20 مقابلے ہوئے ہیں جن میں پاکستان کو صرف ایک مرتبہ فتح حاصل ہوئی۔ لیکن اگر ٹی ٹوئنٹی ورلڈ کپ کو دیکھا جائے تو دونوں ٹیمیں پانچ مرتبہ آمنے سامنے آئیں اور پانچوں بار فتح بھارت کے مقدر میں آئی، لیکن پاکستان نے 29 سال کے طویل عرصے کے بعد کسی بھی ورلڈ کپ میچ میں بھارت کو شکست دے دی۔
