دنیا میں اس طرح کام کرو گویا تم نے ہمیشہ یہیں رہنا ہے اور آخرت کیلئے کام اس طرح کرو گویا کل تمہارا آخری دن ہے، وزیراعظم نے حضرت علی ؓ کا قول شیئر کر دیا

اسلام آباد(آن لائن ) وزیراعظم عمران خان نے سماجی رابطے کی ویب سائٹ ٹویٹر پر حضرت علی ؓکا قول شیئر کر دیا۔ ٹویٹر پر حضرت علی ؓکا قول شیئر کرتے ہوئے وزیراعظم نے لکھا کہ دنیا میں اس طرح کام کرو گویا تم نے ہمیشہ یہیں رہنا ہے اور آخرت کیلئے کام اس طرح کرو گویا کل تمہار ا آخری دن ہے۔ ٹویٹر پر وزیراعظم نے مزید لکھا کہ تقریباً 15 سو سال قبل نبی کریم ؐ نے تاکید کی تھی کہ اس زمین پر ہمیں تمام اقدامات کو مستقبل کی نسل پر اثرات کو مد نظر رکھ کر انجام دینے چاہئیں۔ عمران خان نے لکھا کہ صاحبِ بصیرت حضرت علیؓ نے بھی یہی کچھ فرمایا تھا۔ ہم مسلمانوں کو اپنی آئندہ نسل کی خاطر ماحولیات کے تحفظ کے لئے قائدانہ کردار ادا کرنا چاہیے۔

موضوعات:وزیراعظم عمران خان

کالم

Self Sabotage