لاہور (آن لائن) مسلم لیگ(ن) پنجاب کی ترجمان عظمیٰ بخاری نے کہا ہے کہ تحریک انصاف کے کارکن بھی جعلی تبدیلی اور کھوکھلے نعروں سے تنگ آچکے ہیں۔

عثمان بزدار کی موجودگی میںاعجاز چوہدری اور غلام محی دیوان کیخلاف نعرے اس کا واضح ثبوت ہیں۔تبدیلی سرکاری نے قوم کو تو جھانسہ دیا ہے اپنے کارکنوں کے ساتھ بھی فراڈ کیا ہے۔تحریک انصاف نے پانچ سال لاہور کی سڑکوں پر گزرے۔پانچ سال جو لوگ ان کے مظاہرے اور جلسوں میں نعرے لگاتے رہے وہ سب آج عمران خان سے مایوس ہو چکے ہیں ۔عمران خان نے سب کو سبز باغ دیکھائے ہیں ۔عظمیٰ بخاری نے مزید کہا عثمان بزدار میں تین سالوں میں لاہور میں صرف فردوس مارکیٹ انڈر بنایا وہ نامکمل ہے۔کریم بلاک انڈر پاس اور شیرنوالہ گیٹ فلائی اوور شاید ہی اگلے دو سالوں میں مکمل ہو سکیں۔عثمان بزدار نے گزشتہ دسمبر میں لاہور کیلئے 31ارب روپے کے پیکیج کا اعلان کیا۔لیکن ایک سال میں لاہور پر 31روپے بھی نہیں لگائے گئے۔عثمان بزدار بھی اپنے وزیراعظم کی طرح جھوٹے اعلانات اور دعووں پر دکانداری چلارہے ہیں۔

موضوعات:عظمیٰ بخاری