کراچی (آن لائن)وفاقی وزیر برائے بحری امور سید علی حیدر زیدی نے کنٹونمنٹ بورڈ انتخابات میں حلقہ بدر کرنے کے معاملے پر الیکشن کمشنر ایسٹ امین بشیر کو غیر مشروط معافی کا مطالبہ کرتے ہوئے ہتک عزت کا نوٹس بھجوا دیا۔ وفاقی وزیر علی زیدی کا کہنا تھا کہ کنٹونمنٹ انتخاب کے دوران میں حلقے میں سرے سے موجود ہی نہیں تھا ، صرف ووٹ ڈالنے متعلقہ پولنگ اسٹیشن پر گیا تھا۔ الیکشن کمشنر نے مجھ پر حلقے میں موجود ہونے کا الزام لگایا بے بنیاد الزام عائد کرنے اور مجھے حلقے سے نکالنے پر الیکشن کمشنر ایسٹ 14روز کے اندرغیر مشروط معافی مانگیں۔ الیکشن کمشنر ایسٹ نے معافی نہیں مانگی تو قانونی چارہ جوئی کرنے کے سوا کوئی راستہ نہیں بچے گا۔