لاہور(این این آئی) پولیس نے سادہ لوح لڑکیوں کو بدکاری کے لئے ورغلانے والے گروہ کو گرفتار کر لیا ،برقعہ پوش مرد ساتھی خواتین کے ہمراہ سادہ لوح معصوم لڑکیوں
کو بدکاری کیلئے ورغلاتے تھے۔پولیس کے مطابق پولیس رسپانس یونٹ ٹیم 32 پیرو فورس نے ساہیوال کی رہائشی لڑکی سکینہ بی بی کو بے آ برو ہونے سے بچا لیا۔خاتون ساہیوال سے بہن کو ملنے و کام کاج کے لیے لاہور آ رہی تھی،ساہیوال سے آ تے ہوئے بہن نے کام نا ملنے کا کہہ کر واپس جا نے کا کہا۔ ساتھی مسافرخاتون سکینہ کو کام دلوانے کا جھانسہ دے کر لاہور لے آئی ۔چونگی امرسدھو میں خاتون کے دیگردو ساتھی سکینہ کو ورغلا ء کر ہمراہ لے گئے ، خاتون اور اس کے ساتھی سکینہ کو فحاشی کے اڈے پر لے گئے ،سکینہ موقعہ پا کر شنگھائی پل کے قریب پیرو فورس کے پاس پہنچ گئی ،پیرو فورس نے فوری کارروائی کرتے ہوئے ملزمان کو گرفتار کرلیا۔
