اسلام آباد (مانیٹرنگ ڈیسک ) پبی کے علاقے چوکی درب میں پانچ سالہ بچی کے ساتھ مبینہ طور زیادتی کی کوشش کاملزم بچی کا دادا نکلا ، ملزم کی دو بیویاں پہلی مرچکی ہیں جبکہ تیسری بیوی ناراض ہوکرمیکے بیٹھی ہے ،علاقے کے لوگ سراپا احتجاج ہیں اور انھوں نے ،ملزم کو سنگسارکرنے کا مطالبہ کردیا ۔روزنامہ جنگ کے مطابق مسماۃ زاہدہ زوجہ گل نواز نے پبی پولیس کو رپورٹ درج کراتے ہوئے کہا کہ اس نے اپنی 5سالہ بیٹی (س)کو اپنے سسر ملزم میر بشرکو کھانا دینے کے لیے بھجوایا کچھ دیر بعداس کی بچی روتی ہوئی گھر آئی اور بتایا کہ اس کے داد نے اس سے زیا دتی کی کوشش کی ۔پولیس نے میر بشر کو گرفتار کرکے تفتیش شروع کردی ،ملزم کے بیٹے گل نواز نے میڈیا کو بتایا کہ اس کا والد عادی مجرم ہے اس سے پہلے اس کی آٹھ سالہ بیٹی (ب)کے ساتھ اسی طرح کی زیا د تی کی کوشش کرچکا ہے ۔میری اپنی والدہ مرچکی ہے اس کے بعد میرے ابو نے دوسری شادی کی وہ بھی مرگئی اب اس نے تیسری شادی کی ،یہ بیوی ناراض ہومیکے چلی گئی ہے۔