استنبول (این این آئی)سیر و تفریح کی غرض سے تْرکی میں موجود پاکستان کی متنازع ٹک ٹاکر اسٹار اور اداکارہ حریم شاہ مشکل میں پھنس گئیں۔ حریم شاہ کی جانب سے ایک ویڈیو شیئر کی گئی ہے جس میں اْنہیں پریشان حال اور مشکل میں دیکھا جا سکتا ہے۔حریم شاہ کی جانب سے شیئر کی گئی ویڈیو میں دیکھا جا سکتا ہے کہ وہ ترکی کے کسی بیوٹی سلون میں موجود ہیں
اور اپنے بالوں کو ڈائے کروا رہی ہیں۔حریم شاہ کا اپنی ویڈیو میں کہا کہ ’وہ اس وقت بیوٹی سیلون میں موجود ہیں اور یہاں کے اسٹاف کو اردو سمجھ میں آ رہی ہے اور نہ انگریزی، اگر بیوٹی سیلون کے عملے کو انگریزی آتی تو وہ اپنی ٹوٹی پھوٹی انگریزی سے ہی عملے کو بات سمجھا دیتیں، اْنہیں سٹاف کے ساتھ بات کرنے میں مشکل پیش آرہی ہے، ابھی تک کی ساری بات بھی اْنہوں نے عملے کو اشاروں میں سمجھائی ہے‘۔حریم شاہ کا اپنے بالوں کے لیے پریشان ہوتے ہوئے ویڈیو میں کہنا ہے کہ ’پتہ نہیں آج اْن کے ساتھ کیا ہونے والا ہے‘۔ دوسری جانب مقبول ترین پاکستانی اداکارہ عائزہ خان بیٹی حورین کی سالگرہ کے موقع پر باربی ڈول جیسی تیار ہوئیں اور ایسا انہوں نے بیٹی کی فرمائش پر ہی کیا۔عائزہ خان نے شوہر اور بچوں کے ہمراہ بیٹی کی چھٹی سالگرہ کے موقع پر کروایا گیا دلکش فوٹو شوٹ انسٹاگرام پر شیئر کیا۔عائزہ خان نے بیٹی کی ایک تصویر شیئر کرتے ہوئے کہا کہ ’میری باربی آج 6 برس کی ہوگئی، یقین نہیں ہورہا کہ وقت کتنا تیزی سے گزر رہا ہے‘۔اداکارہ نے بیٹی کو فیشن آئیکون قرار دیتے ہوئے کہا کہ انہیں حورین پر فخر ہے۔اداکارہ نے لکھا کہ ’بچوں کو پھلتے پھولتے دیکھنا ماں باپ کی واحد خواہش ہوسکتی ہے بلاشبہ یہ ایک بہترین احساس بھی ہے۔‘انہوں نے لکھا کہ والدین یہی چاہتے ہیں ان کے بچے دنیا دیکھیں اور خود ہی اس سے سیکھیں۔
اداکارہ نے لکھا کہ میری خواہش ہے کہ میں وقت روک کر ہمیشہ اپنے بچوں کے ساتھ رہوں کیونکہ جب میں ان کے ساتھ ہوتی ہوں تو زندگی مکمل ہوتی ہے۔عائزہ خان نے دانش تیمور کیساتھ باربی باکس میں بیٹھے ایک تصویر بھی شیئر کی اور بتایا کہ ایسی تصویر لینے کی خواہش کا اظہار ان کی بیٹی حورین نے کیا تھا۔
