اسلام آباد ( آن لائن )اسلام آباد میں سکیورٹی کی موجودہ صورتحال کے تناظر میں سپیکر قومی اسمبلی اسد قیصرنے سکیورٹی انتظامات سے متعلق اہم فیصلہ صادر کر تے ہوئے پارلیمنٹ ہاوس میں مہمانوں اور سکیورٹی گارڈز کے داخلے پر پابندی عائد کردی ۔ قومی اسمبلی سیکرٹریٹ کیجانب سے جاری اعلامیے کے مطابق پارلیمنٹ ہائوس میں مہمانوں اور سکیورٹی گارڈز کے داخلے پر پابندی عائد کردی گئی ہے جبکہ ارکان قومی اسمبلی کے ذاتی اسٹاف پر بھی پارلیمنٹ ہاوس میں داخلے پر پابندی ہوگی۔ پارلیمنٹ ہاوس کی حدود میں اسلحہ لانے پر بھی پابندی عائد ہوگی۔ قومی اسمبلی سیکرٹریٹ کے مطابق موجودہ اقدامات سکیورٹی کی موجودہ صورتحال کے پیش نظر کئے گئے ہیں۔