لاہور( این این آئی)مسلم لیگ کے رہنما چوہدری زین شوکت ڈوگراں نے کہا ہے کہ آ ئی ایم ایف کی بھاری شرائط پور ا کرنے کیلئے حکومت عوام کا خون نچوڑنے میں کو ئی کسر نہیں چھوڑ رہی،ملک میں آئے روز مہنگا ئی کے بر ستے بم عوام کو خو د کشیو ں پر مجبور کررہے ہیں۔ اپنے بیان میں انہو ں نے کہاکہ عوام پہلے ہی مہنگا ئی کے ہا تھوں تنگ ہیں ،
ووٹ چور سلیکٹڈ حکمرانو ں نے عوام کا جینا محال کردیاہے۔ انہو ں نے کہاکہ نااہل حکومت نے عوام کیلئے روز گار کے سارے دروازے بند کررکھے ہیں تین سا لو ں میں تبد یلی سرکارنے ملک میں تاریخی بے روزگاری اور مہنگا ئی کر کے اپنا نیا ریکار ڈ بنایا ہے سا بق حکمرانو ں پر تنقید کرنے والے خود عوام کیلئے وبا ل جان بن چکے ہیں۔ دوسری جانب مسلم لیگ (ن) اسیر رہا ئی کمیٹی برائے اظہار یکجہتی قا ئد کے سیکر ٹری اطلاعا ت، ممبرپی ڈی ایم رابطہ کمیٹی لاہور محمد سلیم ر ضا نے کہا ہے کہ تین سا لو ں سے اپوزیشن کو انتقامی سیاست کا نشانہ بنایا جارہا ہے، مرجائوں گا قرضہ نہیں لوں گا کا وعدہ کرنیوالے عمران خان نے قرضوں کے سارے ریکارڈ توڑ دئیے،قومی خزانے کی پائی پائی نااہل حکمرانوں نے اپنی آسائشوں پر لٹا دی ہے ۔ اپنے جاری بیان میں انہو ں نے کہاکہ موجودہ حکمرانوں نے آمرانہ طرز حکومت اپنا رکھا ہے دور آمریت میں جس طرح سیاسی مخالفین کوچن چن کر جیلوں میں بند کیاجاتا رہا اسی طرح موجودہ حکمران اپنے خلاف اٹھنے والی آوازوں کو بند کرنے اور اپوزیشن کا گلہ گھونٹنے کی مسلسل مذموم کوششیں کررہے ہیں ۔انہو ںنے کہاکہ انتقامی کارروائیوں سے (ن)لیگ کو خاموش نہیں کیا جاسکتا ہم عوام کی خیر خواہی کی بات کرتے رہیں گے اور عوام کو درپیش مسائل کی نشاندہی ہر حال میں جاری رکھیں گے
نواز لیگ کی بڑھتی مقبولیت سے حکومت بوکھلاہٹ کا شکار ہو چکی ہے۔ انہو ں نے کہاکہ کوئی عالمی مالیاتی ادارہ نہیں بچا جس سے پاکستان کے موجودہ حکمرانوں نے قرض نہ لیا ہوملکی تاریخ کے ریکارڈ قرض لینے کے باوجودآ ج عوام کو کسی طرح کا ریلیف حاصل نہیں قوم پوچھ رہے کہ بیرونی قرض کہاں خرچ ہوئے جس کا حکمرانوں کے پاس کوئی جواب نہیں۔
