نئی دہلی (این این آئی)جی 20 ممالک نے معاشی سرگرمیوں کی بحالی میں بھارتی وائرس ڈیلٹا کو خطرہ قرار دے دیا۔میڈیارپورٹس کے مطابق ایک بیان میں جی 20 ممالک کے وزرائے خزانہ نے خبردار کرتے ہوئے کہا کہ تیزی سے پھیلنے والا بھارتی کورونا وائرس ڈیلٹا معیشت کی بحالی میں رکاوٹ بنتے ہوئے سرگرمیوں کی رفتارسست کر رہاہے۔جی 20 کے وزرائے خزانہ نے مختلف ممالک میں ویکسی نیشن مہم کی سست روی پر بھی تشویش کا اظہارکیا ۔ادھر فرانس کے وزیر معاشیات کا کہنا تھاکہ جی 20 ممالک کی جانب سے بہترین معیشت کی پیش گوئی کی گئی ہے تاہم کورونا کی بھارتی قسم سب کچھ الٹ کر رکھ دیگی۔