ریاض(این این آئی)حج سیکورٹی فورسز کی کمان کے سرکاری ترجمان بریگیڈیر جنرل سامی الشویرخ نے بتایا ہے کہ حج سے متعلق ہدایات کی 20 خلاف ورزیوں کو پکڑا گیا ہے۔ خلاف ورزی کے مرتکب تمام افراد پر 10 ہزار ریال کا مقررہ جرمانہ عائد کیا گیا ہے۔غیرملکی خبررساں ادارے کے مطابق بریگیڈیر جنرل الشویرخ نے شہریوں اور غیر ملکی مقیمین پر

زور دیا کہ وہ رواں سال کے لیے حج سیزن سے متعلق ہدایات کی پاسداری کریں۔ انہوں نے باور کرایا کہ ذو الحجہ کی 13 تاریخ تک جو کوئی بھی بغیر اجازت نامے کے مسجد حرام ، اس کے اطراف مرکزیہ کے علاقے اور دیگر مقامات مقدسہ (من، مزدلفہ، عرفات)تک پہنچنے کی کوشش کرے گا سیکورٹی فورسز اس کے خلاف کارووائی کریں گی۔