اسلام آبا د(مانیٹرنگ ڈیسک /این این آئی)ملزمان کی جانب سے متاثرہ لڑکی کو ویڈیوز کے ذریعے بلیک میل کرکے لاکھوں روپے بٹورنے کا انکشاف ہوا ہے۔ذرائع کے مطابق عثمان مرزا گینگ نے متاثرہ لڑکی کو بلیک میل کرکے 13 لاکھ روپے وصول کیے، گینگ کے کارندے
متاثرہ لڑکی سے الگ الگ بھتہ وصول کرتے رہے۔نجی ٹی وی کے مطابق پولیس نے مقدمے میں بلیک میلنگ، بھتہ لینے کی دفعات شامل کرنے کا فیصلہ کیا ہے، پولیس افسران کا مقدمے میں مزید دفعات کے لیے وزارت قانون سے رابطہ کیا ہے۔دوسری جانب پولیس نے عثمان مرزا کے پانچویں ساتھی بلاول مروت کو گرفتار کر لیا ہے۔ ایس پی زون فاروق امجد بٹر کی نگرانی نے پولیس ٹیم نے کامیاب کاروائی کرتے ہوئےعثمان مرزا کے ساتھی بلاول مروت کو بھی اسلام آباد سے گرفتار کر لیا ہے ۔ بلاول مروت کی گرفتار کے بعد اہم انکشافات سامنے آئیں گے ۔ واضح رہے کہ وزیراعظم عمران خان نے آئی جی اسلام آباد کو ہر پہلو سے تشدد کیس کی تفتیش آگے بڑھانے کی ہدایت کی ہے۔دوسری جانب وزیرِ اعظم عمران خان سے آئی جی اسلام آباد قاضی جمیل الرحمن نے ملاقات کی جس میں وزیر اعظم کو آئی جی اسلام آباد نے ای الیون 2 میں جوڑے کی ہراسگی اور حبسِ بے جا کے واقعہ پر پیش رفت سے آگاہ کیا، ملزمان کی گرفتاری کے بعد مضبوط فوجداری کاروائی اور ملزمان کو قرار واقعی سزا دلاوانے کیلئے آئی جی خود اس کیس کی نگرانی کر رہے ہیں، مزید مقدمے میں شواہد اکٹھے کرنے کیلئے تمام سائنٹفک وسائل کو برؤئے کار لایا جارہا ہے ،اسکے علاوہ اسلام آباد کی امن و امان کی صورتحال پر بھی بریفنگ دی۔خیال رہے کہ اسلام آباد میں ہراسگی کیس میں پولیس نے متاثرہ نوجوان لڑکی اور لڑکے کے بیانات ریکارڈ کرلیے جس کے مطابق متاثرہ لڑکی اور لڑکا آپس میں شادی کرچکے ہیں۔پولیس حکام کے مطابق متاثرہ لڑکا اور لڑکی نے پولیس کو بیانات ریکارڈ کرادیے ہیں اور وفاقی پولیس نے ان کے بیانات 161 کے تحت راولپنڈی میں ریکارڈ کیے۔پولیس کے مطابق دونوں متاثرین کے بیانات کو تفتیش کا حصہ بنا دیا گیا ہے، متاثرہ لڑکی اور لڑکا اب آپس میں شادی کر چکے ہیں، متاثرین مکمل تحفظ اور قانونی امداد کی یقین دہانی پر بیانات کیلئے راضی ہوئے۔پولیس کے مطابق واقعے میں ملوث مرکزی ملزم سمیت چار ملزمان گرفتار ہیں ، مزید افراد کی گرفتاری کی کوششیں جاری ہیں۔
