اسلام آباد (مانیٹرنگ ڈیسک/این این آئی )مسلم لیگ ن کی نائب صدر مریم نواز شریف کا مظفرآباد میں جلسہ بدنظمی کا شکار ہو گیا ، درجنوں افراد خارداروں میں پھنس گئے ۔ تفصیلات کے مطابقمریم نواز نے اپنی تقریر میں جوش خطابت کے دوران کہا کہ لوگوں کو آگے آنے سے مت روکو میرے اور کشمیریوں کے درمیان کوئی باڑ نہیں ہونی چاہیے۔ جس کے بعد شرکاء نے باڑ پھلانگ کر اسٹیج کی

جانب جانا شروع کر دیا جس کی وجہ سے کئی افراد خاردار تاروں میں پھنس گئے اور جلسہ شدید بدنظمی کا شکار ہوگیا۔دوسری جانب پاکستان مسلم لیگ (ن) کی رہنما مریم نواز نے ایک بار پھر وزیر اعظم عمران خان پر شدید تنقید کرتے ہوئے کہا ہے کہ عمران خان کا نام کشمیر فروش ہے جس نے سار ی زندگی کھیل تماشے میں گزاری اسے خارجہ پالیسی کا کیا پتا، جب کشمیر کے بارے میں چیخ چیخ کر بتانا چاہیے تھا عمران خان نے خاموشی اختیار کرلی،عمران خان سے پوچھنا چاہتی ہوں تمہیں کشمیریوں کا خون بیچنے کا حق کس نے دیا؟ ماں بیٹیوں کی عزت لوٹی گئی، ان کی قربانیوں کو یوں بہانے کا حق کس نے دیا؟ مقبوضہ کشمیر کے بعد اب کشمیر کو کاٹنے کی تیاری ہو رہی ہے،سلیکشن کا سورج پاکستان میں غروب ہو رہا ہے، سلیکشن کے سورج کو آزاد کشمیر میں طلوع نہیں ہونے دیں گے۔جمعہ کو یہاں جلسے سے خطاب کرتے ہوئے مریم نواز نے کہا کہ کشمیر میرے خون کیاندر ہے، لوگ انتخابی مہم کے لیے آتے ہیں لیکن کشمیر میرے دل میں رہتا ہے۔وزیراعظم کو تنقید کا نشانہ بناتے ہوئے مریم نواز نے کہا کہ عمران خان کا نام کشمیر فروش ہے، عمران خان مقبوضہ کشمیر بھارت کی جھولی میں ڈال کر آگیا ہے، یہ جتنا ڈراما کریں، روئیں دھوئیں، اس میں عمران کی مرضی شامل تھی، کشمیر فروشی کے بعد تم کیا منہ لیکر کشمیر میں آرہے ہو۔انہوںنے کہاکہ عمران خان سے پوچھنا چاہتی ہوں تمہیں کشمیریوں کا خون بیچنے کا حق کس نے دیا؟ ماں بیٹیوں کی عزت لوٹی گئی، ان کی قربانیوں کو یوں بہانے کا حق کس نے دیا؟ مقبوضہ کشمیر کے بعد اب کشمیر کو کاٹنے کی تیاری ہو رہی ہے۔انہوں نے کہا کہ جس شخص نے ساری زندگی کھیل کود میں گزار دی، وہ کیا جانے خارجہ پالیسی کیا ہوتی ہے، جس بلے سے کھیلتا تھا اس سے ہی عوام کو مار رہا ہے۔نائب صدر ن لیگ نے کہا کہ جب عمران خان کشمیر آئے تو پوچھنا کشمیر کا سودا کیوں کیا؟ تم کہتے تھے ٹرمپ ثالثی کرے گا، تو کیا یہ تھی ٹرمپ کی ثالثی؟ کشمیر گنوا کر آگیا، کیا یہ تھی سلیکٹڈ کی خارجہ پالیسی؟ کہتا ہے میں نے خاموشی اختیار کرلی ہے، عوام بھی 2 منٹ کی خاموشی اختیار کر لیں، جب کشمیر کے بارے میں چیخ چیخ کر بتانا چاہیے تھا تم نے خاموشی اختیار کرلی۔مریم نواز نے کہاکہ عوام پر ایک کے بعد ایک قیامت ڈھانے کے بعد پوچھتا ہے میں کیا کروں؟ اسلام آباد میں سڑک کا نام تبدیل کر دیا، یہ ہے سلیکٹڈ کی خارجہ پالیسی، عمران خان نے کشمیر کا سودا کر دیا اور کہتا ہے ہفتے میں ایک دن سوگ منائیں گے۔مریم نواز نے کہا کہ برہان وانی کا مقدمہ نواز شریف نے اقوام متحدہ میں لڑا تھا، گزشتہ روز دفتر خارجہ میں وانی کی برسی پر ناچ گانا ہو رہا تھا، نواز شریف عوام میں نکلتے تو عوام کو بتاتے تھے کہ چینی، آٹا، پیٹرول کتنا سستا کیا، نواز شریف بتاتے تھے کہ ردالفساد لڑ کر دہشت گردی کا خاتمہ کیا، عمران خان کشمیر آئیں گے تو عوام کو کیا بتائیں گے، عمران خان یہ بتائیں گے کہ چینی کتنی مہنگی کی، رمضان میں ایک کلو چینی کیلئے عوام کو ذلیل و خوار کیا

۔انہوں نے کہا کہ سلیکشن کا سورج پاکستان میں غروب ہو رہا ہے، سلیکشن کے سورج کو آزاد کشمیر میں طلوع نہیں ہونے دیں گے۔مریم نواز نے کہاکہ نواز شریف نے خدمت کر کے لوڈشیڈنگ کا عذاب ختم کیا، آج 12، 12 گھنٹے کی لوڈشیڈنگ واپس آچکی ہے، نواز شریف دور میں جس دوا کی قیمت 50 روپے تھی وہ آج 500 روپے کی ہو گئی ہے، نواز شریف نے آئی ایم ایف سے

پاکستان کی جان چھڑوا دی تھی، یہ اپنی نالائقی کی وجہ سے پاکستان کو آئی ایم ایف کے پاس گروی رکھ چکا ہے، عوام کو دینے کے لیے پیسہ نہیں ہے، لیکن آزاد کشمیر میں ووٹ خریدنے کے لیے پیسہ ہے، کہاں سے آتا ہے وہ پیسہ؟ کیا فارن فنڈنگ کا پیسا ہے؟ یا کشمیر بیچنے کا پیسہ ہے؟انہوںنے کہاکہ عوام کا جذبہ دیکھ کر کہتی ہوں کہ مسلم لیگ ن آزاد کشمیر کی سب سے بڑی جماعت ہے، کشمیریوں کو آٹے چینی کی لائنوں میں لگنے کے لیے دربدر نہیں چھوڑوں گی، الیکشن کے دن گھر نا بیٹھیں، جوق در جوق نکلیں اور شیر پر مہر لگائیں۔انہوں نے کہا کہ شیر پر مہر لگانا اور اپنی کامیابی کی جنگ جیت کر آنا، عادتاً ووٹ چور عمران ووٹ پر ڈاکا ڈالے تو اسے ڈسکہ کی عوام کی طرح پکڑنا، ووٹ چوری کرنے والے کو گردن سے پکڑنا، بھاگنے نہیں دینا۔