اسلام آباد ٗ کراچی(این این آئی)وفاقی وزیر سائنس و ٹیکنالوجی شبلی فراز نے کہا ہے کہ آئندہ الیکشن میں ہمیں دوتہائی اکثریت ملے گی اور ہمیں کارکردگی کی بنیاد پر ووٹ ملیں گے۔ایک انٹرویو میں شبلی فراز نے کہا کہ اسلام آباد ہائیکورٹ نے ہی نوازشریف کو اشتہاری قرار دیا ہے ہائیکورٹ کافیصلہ
ماناجارہاہے اشتہاری والا کیوں نہیں مانتے۔انہوں نے کہا کہ عدالتیں حق میں فیصلہ دیں توٹھیک خلاف فیصلہ آئے تونہیں مانتے، حدیبیہ پیپر کیس اوپن اینڈشٹ کیس تھان لیگ کیوں بھاگتی ہے موجودہ چیئرمین نیب جسٹس(ر)جاویداقبال کو ہم نے تو نہیں لگایاتھا۔ان کا کہنا تھا کہ عدالتیں آزادہیں اور نیب بھی ایک آزاد اور خودمختار ادارہ ہے ن لیگ نے ماضی میں کارنامے سر انجام دیئے اب بھی ایساسمجھتے ہیں حدیبیہ کیس سب کیسامنے مثال کے طور پرموجود ہے ایون فیلڈسے متعلق بھی دیکھ لیں کتنے مؤقف بدلے گئے۔دوسری جانب پاکستان مسلم لیگ (ن) کے رہنما محمد زبیر نے کہا ہے کہ احسن اقبال اورخواجہ آصف کیخلاف عدالتوں کے فیصلے دیکھ لیں ثبوت ہوں گے ہی نہیں توپیش کیاکیے جائیں گے۔ایک انٹرویومیں ن لیگ کے محمد زبیر نے کہا کہ احسن اقبال اورخواجہ آصف کیخلاف عدالتوں کے فیصلے دیکھ لیں ثبوت ہوں گے ہی نہیں توپیش کیاکیے جائیں گے۔محمدزبیر نے کہا کہ عمران خان کے پاس این آراو دینے کا اختیار ہے نہ دے سکتے ہیں، عمران خان صرف ایک بات کہتے ہیں ان سب کوجیل میں ڈالوں گا ۔ انہوںنے کہاکہ راناثنااللہ کیخلاف کچھ اورنہیں ملاتوڈرگ کا کیس بناکر اندر کر دیا ۔ انہوںنے کہاکہ سیف الرحمان نے نیب کوغلط استعمال کیاتھاہم کہتے ہیں جسٹس(ر)عبدالقیوم والامعاملہ بھی غلط تھاموجودہ حکومت ایک بارہی کہہ دے کہ نیب کوغلط استعمال کیا۔
