لاہور( این این آئی)ٹریفک وارڈنز نے ایمانداری کی اعلی مثال قائم کر دی ،ٹریفک وارڈنز نے روڈ پر ملنے پر شہری کے 10 لاکھ روپے واپس کر دئیے۔بتایا گیا ہے کہ سردار محمد خان نامی شہری کے موٹرسائیکل پر جاتے ہوئے 10 لاکھ روپے گر گئے، دوران ڈیوٹی وارڈن زبیر اور کانسٹبل صبح صادق کو پیسوں سے بھرا شاپر ملا، دو گھنٹے بعد شہری تلاش کرتے ہوئے پریشانی میں وارڈنز کے پاس اور پیسوں کی گمشدگی بارے بتایا، وارڈنز نے جانچ پڑتال کے بعد شہری کے 10 لاکھ روپے واپس کر دئیے، شہری سردار محمد خان کی آنکھوں میں خوشی کے آنسوں آگئے جو وارڈنز کو دعائیں دیتا رہا۔سی ٹی او لاہور منتظر مہدی نے ایمانداری کا مظاہرہ کرنے پر وارڈنز کو شاباش اورتعریفی اسناد بھی جاری کیں۔