اسلام آباد (این این آئی)اسلام آباد میں کورونا مثبت کیسز کی شرح 5 فیصد سے بڑھ گئی، گزشتہ روز شرح 3 فیصد ریکارڈ کی گئی تھی۔کراچی میں شرح تقریباً ساڑھے 10 فیصد تک پہنچ چکی ہے، حیدر آباد میں 3 اعشاریہ 7 اور سندھ بھر میں ساڑھے 5 فیصد سے زائد ریکارڈ کی گئی۔بلوچستان میں شرح تقریباً 5 فیصد رہی جبکہ پنجاب میں شرح صفر اعشاریہ 9 اور لاہور میں ایک اعشاریہ ایک فیصد رہی۔ملک بھر میں کورونا کے مثبت کیسز کی شرح 2 اعشاریہ 2 فیصد ریکارڈ کی گئی ہے۔ ملک بھر میں مزید 830 کیسز رپورٹ ہوئے ہیں جبکہ چوبیس گھنٹوں میں مزید 25 افراد کورونا سے انتقال کرگئے۔