اسلام آباد (این این آئی)پاکستان میں کورونا وائرس کی بھارتی، ساؤتھ افریقن اور یوکے اقسام کی موجودگی کا انکشا ف ہوا ہے ۔ وزارت صحت کے مطابق مئی کے آخر اور جون کے اوائل میں وائرس کی مختلف اقسام کے نمونے لیے گئے، قومی ادارہ صحت نے جینوم سیکوئنسنگ کے ذریعے نمونے لیے، کوروناکی ان اقسام کا ڈیٹا فیلڈ ٹیموں اور این آئی ایچ کے ڈیزیز سرویلینس ڈویڑن اور تمام سٹیک ہولڈرز کے ساتھ شیئر کر دیا گیا ہے۔وزارت صحت کے مطابق قومی ادارہ صحت مسلسل کورونا کی مختلف اقسام کی مانیٹرنگ کر رہا ہے۔