اسلام آباد (این این آئی)وفاقی وزیر اطلاعات و نشریات فواد چودھری نے کہا ہے کہ مریم اور شہباز شریف کا جھگڑا آگے بڑھے گا۔میڈیا سے گفتگو کرتے ہوئے وفاقی وزیر فواد چودھری نے کہا کہ موجودہ حکومت اور اداروں میں بہت زیادہ ہم آہنگی ہے۔انہوں نے کہا کہ وزیراعظم عمران خان جب فیصلہ کرتے ہیں تو تمام ادارے ان کے پیچھے کھڑے ہوتے ہیں۔فواد چودھری نے کہا کہ قومی سلامتی کمیٹی کے اجلاس میں شہباز شریف اور بلاول بھٹو کی تقاریر سطحی تھیں۔انہوں نے کہا کہ وزیراعظم کی شرکت کے حوالے سے اسپیکر آفس نے وضاحت جاری کر دی تھی۔ انہوں ںے کہا کہ ن لیگ کی طرف سے اسپیکر آفس کی پریس ریلیز کی تردید بھی نہیں آئی تھی۔وفاقی وزیر اطلاعات و نشریات فواد چودھری نے کہا کہ نواز شریف ہٹے کٹے ہیں اور انہیں صحت کا کوئی ایشو نہیں ہے۔وفاقی وزیر فواد چودھری نے کہا کہ نواز شریف صرف عدالتوں سے ڈر کر وطن واپس نہیں آ رہے ہیں۔