کراچی(این این آئی)مہنگائی کی مسلسل بڑھتی ہوئی شرح نے آٹو پارٹس کو بھی اپنی لپیٹ میں لے لیا ہے ،موبل آئل سمیت دیگر پارٹس کی قیمتوں میں کئی گنا اضافہ ہونے سے شہریوں کی مشکلات بڑھ گئی ہیں ۔ملک بھر میں مہنگائی ہے کہ قابو میں آنے کا نام ہی نہیں لے رہی ایک کے
بعد ایک اشیائے ضروریہ کی قیمتوں میں ہونے والے اضافہ کی لہر نے آٹو پارٹس کو بھی اپنی لپیٹ میں لے لیا ۔ موبل آئل سمیت آٹو پارٹس کی قیمتوں میں کئی گنا اضافہ ہو گیا ہے ۔موٹر مکینکس اور گاڑی مالکان کا کہنا ہے کہ آٹو پارٹس اور دیگر اشیاء پر لگایا جانے والا ٹیکس دکاندار یا فیکٹری مالکان کی بجائے صارف کے حصے میں ڈالا جا رہا ہے جسکی وجہ سے عام شہری اب گاڑیوں کی مرمت کا کام بھی نہیں کرا سکتا ہے ۔گاڑی مالکان اور آٹو پارٹس کے دکانداروں نے کہاکہ حکومت کمپنیز اور ڈسٹری بیوٹرز کو قیمتوں کے تعین کے لئے ہدایات جاری کرے تاکہ آٹو پارٹس کی قیمتوں میں خود ساختہ اضافہ کے سلسلہ کو روکا جا سکے۔
