راولپنڈی (این این آئی) وزیر جیل خانہ جات پنجاب فیاض الحسن چوہان کا دبنگ انداز سوشل میڈیا پر وائرل ہوگیا ،وزیر جیل خانہ جات پنجاب فیاض الحسن چوہان کی ٹریفک کھلوانے کی ویڈیو وائرل ہوئی ،لاکھوں سپورٹرز اور مداحوں نے سوشل میڈیا پر ٹریفک کھلوانے کی ویڈیو کو شیئر کیا،وزیر جیل خانہ جات فیاض الحسن چوہان اپنے
حلقے میں ٹریفک جام کے دوران گاڑی سے باہر نکل آئے۔فیاض الحسن چوہان اپنی نگرانی اور ہدایات میں ٹریفک میں پھنسی گاڑیاں نکلواتے رہے۔ایک وزیر کو ٹریفک وارڈن کا کام کرتے دیکھ کر عوام حیران رہ گئے ۔ فیاض الحسن چوہان نے کہاکہ عوامی سیاست دان ہوں، عوام میں رہتا ہوں، پروٹوکول کا عادی نہیں۔
