گوادر/کوئٹہ (آن لائن )سی پیک اتھارٹی کے چیئرمین لیفٹیننٹ جنرل (ر) عاصم سلیم باجوہ نے کہاہے کہ سی پیک حاسدوں اور دشمنوں کی سازش کے نشانے پر ہے گوادر پورٹ کے ساتھ ساتھ گوادر شہر کی ترقی کا سفر شروع ہے، 100 بستروں کا اسپتال، انٹرنیشنل ائیرپورٹ بنایا جارہا ہے، پانی، بجلی، سڑکوں اور روزگار اس علاقے کے مسائل ہیں جو جنوبی بلوچستان پیکج سے حل ہوں گے

اور یہاں پر ترقی کا ایک نیا دور شروع ہوگا۔ان خیالات کااظہار انہوں نے گوادر میں منعقدہ تقریب سے خطاب کرتے ہوئے کیا۔لیفٹیننٹ جنرل (ر)عاصم سلیم باجوہ کا کہنا تھا کہ سی پیک منصوبوں پر کام تیزی سے آگے بڑھ رہا ہے، اس کے ثمرات عام آدمی تک پہنچیں گے۔ان کا کہنا تھا کہ گوادر پورٹ مکمل آپریشنل ہو چکی ہے، 60 ایکڑ رقبہ پر فری زون فیز ون مکمل ہو گیا ہے، 2200 ایکڑ پر فیز ٹو منصوبے کے سنگ بنیاد سے اربوں ڈالر کی سرمایہ کاری کا نیا سلسلہ شروع ہو گا۔چیئرمین سی پیک اتھارٹی کا کہنا تھا کہ آج کا دن تاریخی ہے، جنوبی بلوچستان میں ماضی میں نظر اندز کیے جانے کا احساس پایا جاتا تھا۔ان کا کہنا تھا کہ پانی، بجلی، سڑکوں اور روزگار اس علاقے کے مسائل ہیں جو جنوبی بلوچستان پیکج سے حل ہوں گے اور یہاں پر ترقی کا ایک نیا دور شروع ہوگا۔انہوں نے کہا کہ سیکیورٹی فورسز کی محنت اور قربانیوں کے بغیر ان منصوبوں پر کام آگے بڑھانا مشکل ہوتا۔ان کا مزید کہنا تھا کہ وزیراعظم عمران خان کی سربراہی میں سی پیک کو توسیع دی جا رہی ہے اور ان کے شکر گزار ہیں کہ وہ خود سی پیک کی سرپرستی کررہے ہیں۔انہوں نے کہاکہ سی پیک حاسدوں اور دشمنوں کی سازش کے نشانے پر ہے۔عاصم سلیم باجوہ کا کہنا تھا کہ گوادر پورٹ کے ساتھ ساتھ گوادر شہر کی ترقی کا سفر شروع ہے، 100

بستروں کا اسپتال، انٹرنیشنل ائیرپورٹ بنایا جارہا ہے، چیئرمین سی پیک اتھارٹی کا کہنا تھا کہ شکرگزار ہیں کہ وزیراعظم خود سی پیک کی سرپرستی کر رہے ہیں،13سال گوادر فری پورٹ پالیسی کا اجرا نہ ہوسکا، گوادر شہر کا ماسٹر پلان بھی منظور ہوچکا ہے۔ان کا کہنا تھا کہ ووکیشنل انسٹی ٹیوٹ کی تعمیر کا کام جاری ہے، منصوبے کے ثمرات عوام تک پہنچائیں گے۔

موضوعات:عاصم سلیم باجوہ