کراچی(این این آئی)ڈسٹرکٹ اینڈ سیشن کورٹ کراچی نے جامعہ کراچی کے اسسٹنٹ پروفیسر خاتون ٹیچر کو ہراساں کرنے کا مرتکب قرار دیتے ہوئے 10 سال قید اور 50 ہزار روپے جرمانے کی سزا سنادی ہے۔جامعہ کراچی کے سابق اسسٹنٹ پروفیسر کو خاتون پروفیسر کو ہراساں کرنے پر 10 سال قید کی سزا سنادی ہے۔پروفیسر فرحان کامران پر خاتون پروفیسر کو انٹرنیٹ کے ذریعے ہراساں کرنے کا الزام تھا۔پروفیسر فرحان کامران کو خاتون پروفیسر کو ہراساں کرنے پر سزا سنائی گئی۔مقامی عدالت نے پروفیسر فرحان پر 50 ہزار جرمانہ ادا کرنے کا بھی حکم دیا گیا ہے۔ ایف آئی اے کے مطابق فرحان کامران نے خاتون پروفیسر کی نازیبا تصاویر اپلوڈ کی تھیں۔فرحان کامران سائیکالوجی ڈپارٹمنٹ کے سابق اسسٹنٹ پروفیسر ہیں، جنہیں سزا کیلئے جیل بھجوادیا گیاہے۔انویسٹی گیشن افسر کے مطابق خاتون پروفیسر نے ایف آئی اے میں شکایت درج کرائی تھی۔سابق پروفیسر نے دوران تفتیش خاتون پروفیسر کے نام سے جعلی فیس بک اکائونٹ بنانے اور تصاویر اپ لوڈ کرنے کا اعتراف کیا تھا۔

موضوعات:اسسٹنٹ پروفیسر