ابو ظہبی (این این آئی) پاکستان سپر لیگ (پی ایس ایل) میں کوئٹہ گلیڈی ایٹرز اور لاہور قلندرز کے درمیان میچ میں کپتان سرفراز احمد اور لاہور قلندرز کے فاسٹ بولر شاہین آفریدی کے درمیان جھگڑے کے بعد کوئٹہ گلیڈی ایٹرز کی ٹیم مینجمنٹ نے میچ ریفری کو شکایت درج کروائی تھی۔ذرائع کے مطابق شاہین آفریدی نے حارث رؤف کو

دوران میچ بلند آواز میں باؤنسر مارنے کو کہا۔ کوڈ آف کنڈکٹ کے تحت اونچی آواز میں دوسرے بولر کو اکسانے پر جرمانہ ہوتا ہے۔واضح رہے کہ ابوظبی میں کوئٹہ گلیڈی ایٹرز کی اننگز کے 19ویں اوور کی آخری گیند پر شاہین آفریدی نے باؤنسر کروائی جو کوئٹہ گلیڈی ایٹرز کے بیٹسمین سرفراز احمد کے ہیلمٹ پر لگی۔سرفراز نے بھاگ کر رن بنایا تو دوسرے اینڈ پر پہنچنے کے بعد وہ شاہین آفریدی سے کچھ کہتے ہوئے آگے بڑھ گئے۔شاہین آفریدی بھی کچھ غصے میں آگئے جس کے بعد دونوں کھلاڑیوں کے درمیان جملوں کا تبادلہ ہوا۔اس موقع پر امپائرز اور لاہور قلندرز کے سینئر کھلاڑی محمد حفیظ اور کپتان سہیل اختر نے درمیان میں پڑ کر معاملہ رفع دفع کروایا۔اننگز کے اختتام پر شاہین آفریدی نے انٹرویو میں کہا کہ یہ باتیں کھیل کا حصہ ہیں، وہ کبھی نہیں چاہیں گے کہ اْن کو کوئی بیٹسمین جارحانہ انداز سے کھیلے۔پاکستان سپر لیگ میں کوئٹہ گلیڈی ایٹرز کے سرفراز احمد اور لاہور قلندر کے فاسٹ بولر شاہین شاہ آفریدی کے درمیان میدان میں ہونے والے گرما گرمی تو ٹھنڈی پڑ گئی تاہم سوشل میڈیا پر یہ بحث اپنے عروج پر پہنچ گئی ہے۔کسی نے سرفراز احمد پر تنقید کی تو کسی نے شاہین شاہ آفریدی کو سینئر کی عزت کرنے کی ہدایت کی۔ابو ظبی کی سخت گرمی اور پی ایس ایل کے سنسنی خیز میچز ، بولرز ہوں یا بیٹسمین اس

شدید گرمی میں ان کیلئے غصے پر کنٹرول رکھنا بھی مشکل ہوجاتا ہے، کوئٹہ گلیڈی ایئٹرز اور لاہور قلندزر کے میچ میں بھی کچھ ایسا ہی ہوا۔شاہین شاہ آفریدی نے پہلے سرفراز احمد کو باؤنسر کیا ،گیند ہیلمٹ پر لگی، سرفراز احمد نے ہاتھ کے اشارے سے شاہین آفریدی کو ٹھنڈا رہنے کے لیے کہا جس پر شاہین آفریدی اور سرفراز احمد میں

جملوں کا تبادلہ ہوا۔کمنٹری کے دوران رمیز راجا نے کہا کہ سرفراز احمد ، شاہین کو کہہ رہے ہیں کے باؤنسر نہ کریں۔سرفراز نے ایسا کہا یا کچھ اور اس کا جواب تو سرفراز یا شاہین ہی دے سکتے ہیں تاہم سوشل میڈیا پر اس جھگڑے کو لے کر بحث شروع ہوگئی ہے۔کسی نے سرفراز کو تنقید کا نشانہ بنایا تو کسی نے شاہین آفریدی کو سینیئرز کی عزت کرنے کا مشورہ دیا۔