اسلام آباد (این این آئی)قومی کرکٹ ٹیم کے سابق فاسٹ بولر شعیب اختر نے وفاقی دارالحکومت اسلام آباد میں گزشتہ رات ہونے والی ژالہ باری کی ویڈیو شیئر کر دی شعیب اختر نے اپنے تصدیق شدہ انسٹاگرام اکاؤنٹ پر اپنی ایک ویڈیو شیئر کی جس میں وہ اپنے گھر کے پارکنگ
ایریا میں موجود ہیں تیز آندھی کے ساتھ بارش اور ژالہ باری ہورہی ہے۔ژالہ باری دیکھ کر شعیب اختر نے کہا کہ آپ دیکھ سکتے ہیں یہاں کس قدر تیز بارش اور ژالہ باری ہورہی ہے۔سابق کرکٹر نے اپنی پوسٹ کے کیپشن میں لکھا کہ میں نے اس سے پہلے کبھی اسلام آباد میں اس طرح کی بارش نہیں دیکھی۔اْنہوں نے لکھا کہ یہ غیر متوقع بارش تھی۔دوسری جانب قومی ٹیم کے سابق کپتان وسیم اکرم نے ابوظبی کے ساحل کی صفائی ستھرائی سے لوگوں کو سیکھنے کا مشورہ دیدیا۔تفصیلات کے مطابق سوئنگ کے سلطان وسیم اکرم ابوظبی کے ساحل پر پہنچے،وسیم اکرم نے ابوظبی کے ساحل کی صفائی ستھرائی سے لوگوں کو سیکھنے کا مشورہ دے دیا۔یاد رہے کہ کچھ عرصہ قبل وسیم اکرم نے کراچی کے ساحل پر موجود کچرے پر ناراضی کا اظہار کیا تھا، تاہم ساحل کی صفائی کے بعد لوگوں کا شکریہ بھی ادا کیا تھا۔
