راولپنڈی (این این آئی)سابق فاسٹ بولر شعیب اختر نے عبدالرزاق کو پاکستان کی تاریخ کا بہترین آل راؤنڈر قرار دے دیا۔گزشتہ روز شعیب اختر نے اپنے تصدیق شدہ انسٹاگرام اکاؤنٹ پر اپنے مداحوں کے لیے سوال و جواب کا ایک سیشن رکھا جس میں دْنیا بھر میں موجود شعیب اختر کے مداحوں نے اْن سے مختلف سوالات کیے۔سوال و
جواب کے اس سیشن کے دوران ایک مداح نے شعیب اختر سے پوچھا کہ پاکستان کی تاریخ کا سب سے بہترین آل راؤنڈر کون ہے؟،مداح کے سوال کا جواب دیتے ہوئے شعیب اختر نے سابق کرکٹر عبدالرزاق کی یادگار تصویر شیئر کی۔شعیب اختر نے عبدالرزاق کی تصویر شیئر کرتے ہوئے لکھا کہ عبدالرزاق پاکستان کی تاریخ کے بہترین آل راؤنڈر ہیں۔دوسری جانب پاکستان سپر لیگ (پی ایس ایل) فرنچائز پشاور زلمی کے کپتان اور فاسٹ بولر وہاب ریاض نے مخالف ٹیم لاہور قلندرز کی تعریف کرتے ہوئے کہا ہے کہ ہر کھلاڑی کی نظریں ورلڈ کپ پر ہوتی ہیں، میری بھی ہیں اور انشا اللّٰہ ورلڈ کپ بھی کھیلیں گے۔پشاور زلمی کے کپتان نے کہا کہ لاہور قلندرز کی ٹیم اچھی ہے، میچ میں ڈیو کا عمل دخل ہوگا۔انہوں نے کہاکہ میچ میں پشاور زلمی کی ٹیم کنڈیشنز کے مطابق کھیل پیش کرے گی۔وہاب ریاض نے کہا کہ ہر کھلاڑی کی نظریں ورلڈ کپ پر ہوتی ہیں، میری بھی ہیں اور انشا اللّٰہ ورلڈ کپ بھی کھیلیں گے۔پی ایس ایل کی ٹیم اسلام آباد یونائیٹڈ کے کھلاڑی فہیم اشرف انجری کا شکار ہوگئے جس کے باعث آئندہ میچز میں ان کی شرکت مشکوک ہے۔ترجمان اسلام آباد یونائیٹڈ کے مطابق لاہور قلندر کیخلاف میچ میں فہیم اشرف انجری کا شکار ہوئے، انگوٹھیکی انجری کا شکار فہیم اشرف کو ڈاکٹروں نے آرام کا مشورہ دیا ہے۔ترجمان کے مطابق فہیم اشرف کی آئندہ میچز میں شرکت مشکوک ہے، فہیم اشرف کو بولنگ کے دوران بائیں ہاتھ پرانجری ہوئی اور5 ٹانکے لگے۔
