اسلام آباد (این این آئی)سعودی سفیر نواف بن سعید المالکی نے وزیر برائے اقتصادی امور عمر ایوب خان سے ملاقات کی۔سعودی سفیر نے وزیر اعظم پاکستان کے حالیہ کامیاب دور ہ سعودی عرب کے بارے میں وزیر اقتصادی امور کو آگاہ کیا۔ سعودی سفیر نے کہاکہ سعودی ترقیاتی فنڈ کی مہمند ہائیڈرو پاور ڈیم کے لئے 901 ملین سعودی
ریال کی منظوری دی ۔سعودی ترقیاتی فنڈ ہ مالی معاونت 25 سال کی مدت کے لئے 2 فیصد انتہائی سستی شرح سود پر فراہم کرے گا ،وزیر اقتصادی امور نے اس مالی اعانت کو تیزی سے استعمال کرنے کی یقین دہانی کرائی ۔ عمر ایوب نے کہاکہ حکومت ملک میں قابل تجدید، ماحول دوست اور سستی توانائی بڑھانے پر توجہ دے رہی ہے ،دونوں فریقوں نے دوسرے جاری ترقیاتی منصوبوں پر عملدرآمد میں تیزی لانے پر بھی اتفاق کیا ۔دوسری جانب سینیٹ کی قائمہ کمیٹی برائے منصوبہ بندی نے سندھ اور بلوچستان کے موٹرویز کو حکومتی فنڈنگ کے بجائے پبلک پرائیوٹ پارٹنرشپ (پی پی پی) کے تحت کرانے پر تشویش کااظہار کرتے ہوئے کہا ہے کہ ان منصوبوں کودیگر موٹرویز کی طرح حکومت فنڈدے ورنہ یہ منصوبے اگلے 50سال بھی شروع نہیں ہوگا،تحریک انصاف کے سینیٹردوست محمدخان نے صوبہ خیبرپختون خوا میںجنوبی اضلا ع پر مشتمل الگ صوبے بنانے کامطالبہ کر دیا ،جنوبی اضلاع میں غربت انتہاء کی ہے عملی طورپر پشاور کے غلام ہوگئے ہیں،حکام نے کہاکہ نومبر 2023تک گوادر ائیرپورٹ مکمل ہوجائیگا۔سینیٹ کی قائمہ کمیٹی برائے منصوبہ بندی کی زیرصدارت چیرمین سینیٹر سلیم مانڈوی والا کی سربراہی میں پارلیمنٹ ہائوس میں ہوا۔اجلاس میں سینیٹر دوست محمدخان ،اعجازاحمدچوہدری ،دنیش
کمار،محمدطاہر بزنجو،روبینہ خالد،اعظم نزیدتارڑ،نذہت صادق،سرادرمحمدشفیق ترین اور کہودابابر نے شرکت کی جبکہ کمیٹی میں ایڈیشنل سیکرٹری وزارت منصوبہ بندی ودیگر حکام نے شرکت کی۔ وزارت منصوبہ بندی کے حکام نے کمیٹی کوبتایاکہ اس سال 210منصوبہ مکمل کریں گے اگلے مالی سال 300منصوبے مکمل کریں گے۔
چیئرمین کمیٹی سیلم مانڈوی والا نے کہاکہ این ایچ اے کے منصوبے ہر ماہ کمیٹی دیکھے گی کہ ان پر کیا پیش رفت ہورہی ہے،گذشتہ دو سال سے سینیٹ کی سفارشات پر عمل نہیں ہورہاہے۔حکام نے کمیٹی کوبتایاکہ کہ سی پیک کے منصوبوں کی پراپر فنڈ ہوں تاکہ منصوبے بروقت مکمل ہوں۔ طاہر بزنجو نے کہاکہ بلوچستان میں کوئی موٹروے
نہیں بنائی جارہی ہے ،سی پیک کے تحت دیگر صوبوں میں موٹروے بنائے گئے ہیں بلوچستان میں کوئی ایک موٹروے تو بنائیں۔سینیٹردوست محمد خان نے کہاکہ ٹانک میں 40سال سے ڈیم کا پی سی ون منظور ہے مگر اس پر کام نہیں ہورہاہے جس کی وجہ سے وہاں کے غریب لوگوں کو بہت مسائل ہیں۔ایڈیشنل سیکرٹری وزارت منصوبہ بندی حامد یعقوب شیخ نے کہاکہ ٹانک کے بھی مسائل ہیں مگر وسائل کم ہیں ایکنک کی میٹنگ ہوگئی ہے ابھی اس
کو نہیں ڈال سکتے ہیں۔نومبر 2023تک گوادر ائیرپورٹ مکمل ہوجائے گا۔14ارب32کڑور 70لاکھ روپے کے درخت لگانے کے منصوبے ہیں42ارب سے زائد روپے ایچ ای سی کے منصوبوں کے لیے رکھے گئے ہیں۔وزارت منصوبہ بندی نے تمام وزارتوں کے 6کھرب 28ارب26کڑور49لاکھ روپے کے منصوبوں کی منظوری دی گئی ہے حکام نے بتایاکہ کھاریاں راولپنڈی،بلکسر میانوالی ،مظفرگڑھ میانوالی ،کوئٹہ کراچی چمن ،کراچی سرکلرریلوے ،کراچی پپری(فریٹ کوریڈور)کو پی پی پی کے تحت بنائی جائے گی۔
